Баянхонгор аймгийн Тэмээчдийн холбооноос жил бүр зохион байгуулдаг "Тэмээ тэнгэрийн амьтан" сэдэвт тэмээчдийн зөвлөгөөн 2015 оны 2 сард буюу Хонин жилийн шинийн 8-нд Баян-Өндөр сумд амжилттай зохион байгуулагдлаа. Уг арга хэмжээнд Баянхонгор аймгийн 6 сум, Өмнөговь, Говь-Алтай аймгийн 3 сумаас тэмээчид төлөөлөгчид хүрэлцэн ирж оролцсон бөгөөд 3 насны ангилалтай нийт 150 гаруй хурдан тэмээ уралдаж, сайхан буур, мөн шилдэг хосууд шалгарууллаа. Уг арга хэмжээг Ивээн тэтгэн явуулсан Баянхонгор аймгийн Тэмээчдийн холбооны тэргүүн Б.Өлзийбодьжав, Баян-Өндөр сумаас сонгогдсон Баянхонгор аймгийн ИТХурлын төлөөлөгч Б.Батбаяр, Сумын ЗДТГазар, Баян-Өндөр сумын бизнесмен М.Жаргалсайхан нартаа сумынхаа нийт иргэдийн өмнөөс гүн талархал илэрхийлж байна.