Энэ нь татварыг онлайнаар төлөх боломжийг бүрдүүлсэн анхны цахим систем юм.
Нийслэлийн Засаг дарга бөгөөд Улаанбаатар хотын Захирагчийн үйл ажиллагааны хөтөлбөртөө технологийн шийдлийг ашиглан “Иргэдэд нээлттэй ухаалаг хот” болно гэсэн зорилт тавьжээ. Уг зорилтын хүрээнд энэ ажлыг эхлүүлсэн бөгөөд Смарткар цахим систем нь үйлчилгээг түргэн шуурхай, тэгш хүртээмжтэй хүргэх, татвар хураалтын ажлыг хөнгөвчилсөн сайн ажил болсон гэж мэргэжлийн хүмүүс үзэж байна.
Цаашид авто тээврийн хэрэгсэлтэй холбоотой үйлчилгээнүүдийг шат дараатай цахимжуулах мөн хөрөнгийн татваруудыг цахим хэлбэрээр хураах боломжийн талаар судалж байна хэмээн нийслэлийн Мэдээллийн технологийн газраас мэдээллээ.
